Agaasimihii hore ee Nabadsugida iyo sirdoonka Qaranka ee NISA ahna La-Taliyaha Amniga Madaxweynaha, Fahad Yaasiin Xaaji Daahir ayaa waaberigii hore ee saaka oo talaado ah soo gaaray Magaalada Caasimadda ah ee Muqdisho.
Diyaarad gaar ah ayaa Fahad Yaasiin kasoo qaaday Magaalada Istanbul ee dalka Turkiga, taasi oo saaka kasoo degtay Garoonka diyaaradaha Aadan Cadde ee Magaalada Muqdisho, sida ay xaqiijiyeen ilo wareedyo lagu kalsoonaan karo.
Agaasimihii hore ee Nabadsugida iyo sirdoonka Qaranka ee NISA ahna La-Taliyaha Amniga Qaranka Fahad Yaasiin ayaa jimcihii lasoo dhaafay diyaarad uu socday lagu xayiray dalka Jabuuti, kadibna lagu celiyay Istanbul oo markii hore uu ka yimid.
Madaxtooyada Soomaaliya ayaa dowladda Jabuuti ku eedeeysay inay ay garoonka diyaaradaha Jabuuti ku xannibtay Lataliyaha Amniga Qaranka ee Madaxweynaha Fahad Yaasiin Xaaji Daahir iyo Saraakiil la socday, ayna ka xun yihiin talaabadaas.
Dowladda Jabuuti ayaa dhankeeda ka Jawaabtay eedeynta uga yimid Madaxtooyada Soomaaliya, waxaana ay sheegeen in Fahad Yaasiin aysan ku xayirin dalkeeda, hayeeshee diyaarad uu la socday ay cilad qabsatay, sidaasina dib ugu laabatay Turkiga.
Fahad Yaasiin Xaajir Daajir ayaa waxaa uu qorshahu ahaa inuu ka qeyb galo Shirka Guddiga Amniga Qaranka oo uu Madaxweynaha muddo xileedkiisa dhammaaday isugu yeeray Guddigaas, balse la baajiyay Shirka oo qorshahu ahaa in la qabto 18-kii bishaan.
