Taliyaha hay’adda Nabad-Sugida iyo Sirdoonka Qaranka Fahad Yasin Xaaji Dahir ayaa maanta la sheegey inuu kasoo jawaabey dalabkii Ra’isul Wasaare Maxamed Xuseen Rooble oo shaley 48 saac u qabtey in warbixin dhameystiran looga keeno dilkii Ikraam Tahliil oo aheyd gabar dhallinyaro ah oo u shaqeyneysey hay’adda Nabad-Sugidda Qaranka.
Warar hoose oo soo baxaya ayaa tilmaamaya in Fahad Yaasiin uu dalbaday in la fariisiyo guddiga amniga qaranka, isaga oo sheegay inuu siin warbixin ku saabsan kiiska Ikraan.
Sidoo kale wararku waxaa ay intaas ku darayaan in Fahad Yaasiin uu Qoraallo u kala diray xafiisyada Ra’iisul Wasaaraha, Madaxweynaha, Wasiirka Amniga, Guddoomiyaha Baarlaanka iyo Qaramada Midoobay.
Ra’isul Wasaare Maxamed Xuseen Rooble ayaa shaley 48 saac u qabtey in warbixin dhameystiran looga keeno dilkii Ikraam Tahliil oo aheyd gabar dhallinyaro ah oo u shaqeyneysey hay’adda Nabad-Sugidda Qaranka.
Waxaana ilaa iyo hadda il gaar ah lagu hayaa sida Ra’iisul Wasaare Maxamed Xuseen Rooble uu uga Jawaabi doono, Dalabka cusub ee Fahad yaasiin, oo ah in la fariisiyo guddiga amniga qaranka.
