In ka badan 600 qof oo Reer Afganistan ah oo naftooda kala baxsanayey Xaalladaha Cakiran ee dalkooda Hooyo ayaa waxaa shalay u suurto-gashay inay iska soo buuxiyaan Diyaarad Milliteri oo taagnayd Garoonka Caalamiga Hamid Karzai International Airport ee magaalladda Kabul.
Kumanaan qof ayaa waxay shalay ku xoomeen Garoonkaasi, kadib, markii ay cabsi ka qaadeen Kooxda Daaliban oo la wareegtay Kaabul iyo Talada dalkaasi.
In ka badan 600 oo qof oo dadkaasi ka mid ah waxay bila Tikidh, Bilaa Baasaboor iyo Fiiso La’aan dhex fariisteen Diyaarad Xamuul oo ay Milliteriga Maraykanka leeyihiin.
Sawiro la qaaday ayaa waxaa ka muuqday Diyaaraddaasi oo nooceedu ahaa C-17 Globemaster III oo ay boqolaal qof oo u badnaa carruur iyo haween oo dhex fadhiya sadxiga ama gudaha Diyaaradaasi.
Sida laga soo xigtay Shabakadda Warrka ee Defence One waxaa Diyaaradasi raacay 640 qof oo Afghans, waxaana la rumeysan yahay inay ahayd markii u horeysay oo dad tiradaasi leh ay raacaan Diyaaradda Xamuulka ee C-17 Globemaster III.
Dhinaca kale, Diyaaradda markii ay ka degtay Garoon ku yaalla Qatar waxaa Candhada Diyaaradda laga helay cadad hilib la rumeysan yahay qof ku xayirmay halkaasi.
Muuqaalo kale ayaa muujinayey dad ka sii hoobanaya Diyaaradda oo Hawada sare ku duulaysay.
Ugu yaraan 7 kale ayaa maydkooda laga helay Garoonka Hamid Karzai International Airport, kuwaasi oo la sheegay inay Askarta Maraykanka toogteen, halka kuwo kalena ay ku dhinteen Isbuurasho ka dhacday Garoonkaasi.
Saacado Kadib geeridaasi waxay Waaxda Difaaca Maraykanka ee The Pentagon shaacisay in la toogtay 2 nin oo hubeysnaa oo ka mid ahaa dadkii ku soo xoomay Garoonka Kabul.
