Ugu yaraan 52-qof ayaa ku geeriyootay, 60 kalena wey ku dhaawacmeen, kadib, markii uu saqdii dhexe ee xalay dab ka kacay Isbitaalka Al-Xuseyn oo ku yaalla magaallada Nasariyah ee Koonfurta dalkaasi.
Dabka ayaa la sheegay inuu ka dhashay qarax ay sameeyeen Haamaha Oksijiinta ee Neef-siinta Bukaanadda la il-daran xanuunka COVID 19.
Tirada dhimashada ayaa laga cabsi qabaa inay sii kororto, iyadoo 2 ka tirsan Shaqaalaha Isbitaalka ay ka midnoqdeen dadkii ku geeriyooday dabkaasi.
Waa shilkii labaad  ee muddo 3 bilood gudaheeda ka dhaca Isbitaallada  lagu daaweeyo Bukaanada COVID 19, iyadoo Bishii April ee la soo dhaafay, Dab ka kacay Isbitaalku yaalla magaalladda Baqdaad waxaa ku dhintay 82-qof, halka ay 110-kalena ku dhaawacmeen.
Dhinaca kale, Boliska iyo dad caraysan ayaa waxa uu iska-horimaad ku dhex maray barxadda Isbitaalka lagu le’day, iyadoo dab la qabadsiiyey 2 ka mid ah Gaadiidka Boliska.
Ra’isul-wasaaraha Iraq, Mustafa Al-Kadhimi waxa uu Xaallad Degdeg ah ku soo rogay Gobalka Dii Qaar oo ay ku taallo magaalladda Nasariyah.
Dalka Iraq waxaa cuddurka COVID 19 laga helay 1.4 million oo qof, halka ay in ka badan 17-kun oo Bukaan u geeriyoodeen xanuunkaasi.
