Saraakiisha dalkaasi ayaa sheegay in ugu yaraan 38 qof ay geeriyoodeen, kadib, markii ay Biriq ku habsatay 24-kii saacadood ee la soo dhaafay.
Geerida ugu badan ayaa la sheegay inay ka dhacday Gobalka Rajasthaan ee Galbeedka dalkaasi, iyadoo ay 11-qof biriq kula dhacday meel ku dhow Taawar dheer oo ay Saacad weyn ku rakiban tahay.
Sarkaal sare oo ka tirsan Boliska Hindiya oo lagu magacaabo ANAND SIRFASTAFA ayaa sheegay in qaar ka mid ah Dhibanayaasha ay gabaad ka dhigteen goobtaasi, xilli uu da’ayey Roob Mahiigaan ah.
Dhinaca kale, ugu yaraan 42 qof ayaa waxay Biriq kula dhacday dhowr Degmo oo ka tirsan Gobalka Utar Pradesh.
Hay’adda Saadaasha Cimiladda waxay ka digeen Biriq badan oo la filan karo labada maalin ee soo socota.
Biriqda waxay caadi ka tahay dalka Hindiya inta lagu guda-jiro Xilli Roobabka Mansuumka ee Bilaha June ilaa September.
In ka badan 2,900 qof ayaa waxay Biriq ku dileen dalka Hindiya sanadkii 2019-kii.
