Diyaaradaha dagaalka ee Israa’iil ayaa duqeymo xagga cirka ah saaka oo Jimco ah ka geystay goobo ku yaal marinka Qaza oo ay maamulaan kooxda wax iska caabinta Falastiin ee Xamaas.
Diyaaradaha dagaalka ee IDF ayaa duqeeyay goob lagu tilmaamay in laga soo saaro hubka oo loo isticmaali jiray baarista iyo soo saarista hubka ay leeyihiin Xamaas .
Duqeymankaasi ayaa yimid ka dib markii lagu waramay in Xamaas ay dhanka Isra’iil u direen buufinno ololaya oo wax guba.
Xamaas weli wax war ah kamasoo saarin duqeymahaasi cusub ee ciidamada Isra’iil ay la beegsadeen dadka reer Falastiin.
Laga soo bilaabo 10-kii ilaa 21-kii Maajo, Israa’iil waxay duqeymo xagga cirka ah ku qaadday Marinka Qaza, halkaas oo ay ku dhinteen ugu yaraan 289 Falastiiniyiin ah,halka gantaalada Xamaas ay ku dhinteen 13-ruux oo Yahuud ah.