Kenneth David Kaunda oo 97 jir ayaa la dhigay Isbitaalka Milliteriga ee ku yaalla Caasimadda dalkaasi ee Lusaaka, iyadoo laga daaweynayo Xanuun aan la shaacin.
Kaaliyaha Maamulkiisa, Rodrik Nagola waxa uu sheegay inuu Kenneth Kaunda xanuun dareemay, lana dhigay Xarunta Daaweynta ee The Maina Soko Medical Center ee magaalladda Lusaka.
Waxa uu intaasi ku daray in Kooxda Daaweynta ku hawlan yihiin sidii uu u soo kaban lahaa Madaxweynihii hore ee dalkaasi.
Kenneth David Kaunda oo lagu naanayso KK waxa uu Madaxweyne ka ahaa dalka Zambia, laga soo bilaabay sanadkii 1964-kii oo ay ka xoroobeen Gumeysigii Ingiriiska, isagoo xilkaasi hayey tan iyo sanadkii 1991-kii.
Waxa uu ka mid yahay Geesiyayaasha Xorriyadda ee tirada yar Qaaradda Afrika ee weli sii nool.