Wafdi heer sare oo uu hoggaaminayo Wasiirka Arrimaha Dibedda Turkiga, Mafluut Kafusoglu waxay booqasho aan la sii shaacinin maanta ku tageen caasimadda dalka Libiya ee Tripoli.
Wafdigaasi waxaa kaloo ka mid ah Wasiirks Difaaca Turkiga Hulusi Akbar, Arrimaha Gudaha, Suleyman Soylu, Madaxa Hay’adda Sirdoonka Turkiga, Xakan Fidan iyo Afhayeenka Madaxtooyada Turkiga, Ibraahim Kalin.
Waxay Kulamo Xasaasi ah la yeelan doonaan Ra’isul-wasaaraha Xukuumadda Ku-meel-gaarka Libiya, C/Xamiid Maxamed Dabiibah, kaasi oo Xilka sii hayn doona ilaa inta ay Doorashada dalkaasi ka dhici doonta bisha December ee sanadkan 2021-ka
Booqashada Wafdigaka socda Dowladda Turkiga ku tageen dalka Libiya waxaa la sheegay inay tahay tii Labaad oo ay ku tagaan dalka Libiya, ka hor Furitaanka Shirweynaha Madaxda Dowladaha Isbahaysiga Reer Galbeedka ee NATO oo ay Turkiga xubin ka tahay, kaasi oo la filayo inuu bishan 14-da ka furmo Xarunta Dhexe ee NATO oo ku taalla caasimadda dalka Beljim ee Barasalis.