In ka badan Kun Weriyayaal ka kala socda Warbaahinada ugu waa weyn ee Caalamka ayaa la sheegay inay Wasaaradda Arrimaha Dibedda ee Switzerland u gudbiyeen Codsiyadooda ku aadan inay ka qeyb galaan Shirka Madaxweynaha Maraykanka iyo dhigiisa Raashiya ay bishan June 16-da ku yeelan doonaan magaalladda Jineefa.
Afhayeenka Wasaaradda Arrimaha Dibedda ee Switzerland, Biyeer Alay Elesinger oo la hadlay Wakaalladda Wararka Raashiya ee TASS ayaa xaqiiiyey inay soo gaareen Codsiyada Suxufiyiinta doonaysa inay goobjoog ka noqdaan Kulanka Biden iyo Putin ahj oo noqon doona kii ugu horeeyey ee ay yeeshjaan iyagoo ah Madaxweynayaal.
Afhayeenka waxa uu intaasi ku daray in Weriyaaasha buuxiya Shuruudaha loo oggolaan doono inay ka hawlgalaan Shirka Labada Hoggaamiye yeelan doonaan, balse waxa uu shuruud ka dhigay in Suxufiyiinta laga doonayo inay haystaan Shahaadooyinka Tallaalka COVID 19 oo ay ansixisay Dowladda Switzerland, Midowga Europe ama Hay’adda Caafimaadka Adduunka ee WHO.
