Akhriso:-Wararkii uu dambeeyay ee dagaalka mooyaale

Ugu yaraan 7 qof ayaa inta la og yahay ku dhintay dagaal ka dhacay degmada Mooyaale ee ku taalla xudduudda Kenya iyo Itoobiya.

Ilo deegaanka ku sugan waxay sheegeen in ugu yaraan 13 qof oo kalena ay ku dhaawacmeen dagaalka.

Dagaalka ayaa la sheegayaa inuu u dhaxeeyo qowmiyadaha Soomaalida iyo Oromada.

Tan iyo shalay ayuu dagaalku socday, waxaana la sheegayaa in ay jiraan guryo iyo xafiisyo weli gubanaya.

Ma jirto cid weli kala dhex gashay, wararkuna waxay sheegayaan inuu dagaalku weli socdo.

Dad badani oo reer Mooyaale ah ayaa haatan bilaabay inay ka barakacaan halka uu dagaalka ka socdo si asyan saameyn ugu yeelan rasaasta ay isku ridayaan.