Dhinacyada ku kala irdhoobay siyaasadda wadanka Koofurta Suudan ayaa waxaa lagu wadaa in colaadooda lagu soo dhameeyo heshiis ay marqaatiyaal ka yihiin qaar ka mid ah Madaxda Afrika.
Madaxwaynaha Jamhuuriyadda Federaalka Soomaaliya Mudane Maxamed C/laahi Farmaajo ayaa qeyb ka ah Madaxda marqaatiga ka noqon doona Heshiiska dhinacyada Koofurta Suudaan.
Maxamed Caalin oo ah Aqoonyahan si gaar ah ula socda siyaasadda Geeska Afrika ayaa Warbaahinta Qaranka u sheegay in heshiiskan uu micno wayn u samaynayo shacabka Koofurta Suudaan ee Colaada ka daalay iyo dalalka kale ee ku yaala Geeska Afrika.
“Waxaa u ahmiyad weyn u leeyahay heshiiskaasi shacabka Koofurta Suudaan iyo sidoo kale Dowladaha dhaca Mandiqada Geeska Afrika waana arrin wax badan ka badali doonta colaadii dhextaalay labada Dalâ€.ayuu yiri Aqoonyahan Caalin
Waxyaabaha lagu heshiiyay ayaa waxaa ka mid ah, in la sameeyo hub ka dhigis, in la dhiso dowlad wadaag ah iyo in la siidaayo Maxaabiistii la kala qabsaday intii colaada ay socotay.
SONNA.SO
