Warsaxaafadeed ka soo baxay howlgalka Midowga Yurub ee Soomaaliya ayaa waxaa looga hadlay qarixii Ismiidaaminta ahaa ee shalay lagu weeraray ciidamo ka tirsan kuwa Talyaaniga ee howlaha tababarada u jooga Magalada Muqdisho.
Warsaxaafadeedka ayaa waxaa lagu sheegay in weerarkaas oo ismiidaamin ahaa uusan Ciidamada ka soo gaarin wax khasaaro ah,isla markaana sidoo kale aysan jirin wax rasaas ah oo lagu riday kahor qaraxa.
Weerarkaaas ismiidaaminta ahaa ayaa lala eegtay kolonyo ka tirsan Ciidamada Talyaaniga ee Jooga Muqdisho,xilli ay marayeen agaagarka Kulliyada Jaalle Siyaad,waxana ay sheegeen in dad Shacab ah ku waxyeeloobeen.
Al-Shabaab ayaa sheegtay qaraxaasi shalay lagu weeraray kolonyada ka tirsan Ciidamada Talyaaniga oo mararka qaar lagu arko,iyaga oo socda Wadooyinka Waaweyn ee Magalada Muqdisho.
