Maanta oo jimce ah ayaa lagu wadaa in Magalada Bijin ee Caasimadda dalka Shiinaha uu ka furmo shirka Iskaashiga Wadamada Afrika iyo shiinaha.
Shirkaas waxaa ka qeyb galaya wafdi uu hoggaaminayo Madaxweynaha Jamhuuriyadda Soomaaliya Maxamed Cabdullaahi Farmaajo,isla markaana ay qeyb ka yihiin Wasiirada Arrimaha dibada iyo Ganacsiga.
Shirka waxaa sidoo kale goobjoog ka noqon doona Madaxweynaha dalka Shiinaha iyo madax ka socota 53 dal oo dhamaantood Afrikan ah.
Waxaa shirkaas looga hadli doonaa muhiimadda sidoo loo abuuri lahaa hindise lagu  dhisayo kaabayaasha dhaqaale ee loo yaqaan “Belt and Road Initiativeâ€, kaas oo fududeynaya isku xirnaanta dalalka qaybta ka ah, korna u qaadaya horumarkooda dhaqaale.
Madaxweynaha Soomaaliya iyo wafdiga la socda ayaa inta uu kulanka socdo waxa ay wadahadalo la yeelan doonaan qaar ka mid ah madaxda ka socota Wadamada Afrika ee shirkaasi ka qeyb galaya.
