Ra’iisul wasaaraha xukuumada Soomaaliya Cumar Cabdirashiid Cali Sharmaarke ayaa sheegay ineysan habooneyn in dadka qaxootiga ee Kenya ka soo laabanaya la geeyo goobaha ay maamulan Al Shabab.
Mudane Sharmaarke oo ka hadlayay dib u soo celinta qaxootiga ayaa dalbaday in ugu horeyn loo ogolaado qaxootiga in iyaga ay doortay halka ay ku noqonayan islamarkaana la siiyo muddo 3 sanno.
Ra’iisul wasaaraha ayaa sheegay in dowlada Soomaaliya ay marwaliba la socotay arinta qaxootiga,horeyna uu u jiray heshiis ay la gaaren Hey’adda UNHCR si qaxootiga aan loogu soo qasbin wadanka Soomaaliya.
Hey’adda UNHCR ayaa dhawaan sheegtay in go’aanka Kenya ay ku celineyso qaxootiga Dhadhaab ku nool aysan micnaheedu ahayn in awood lagu celiyo qaxootiga balse la eegi doono go’aankooda.
Kenya ayaa shaacisay iney xireyso xerada Dhadhaab marka la gaaro bisha November ee sanadkan.
