Xarun lagu hayo Duur-joogta (Zoo) oo ku taalla magaalladda Tacis ee dalka Yemen waxaa saamayn xooggan ku yeeshay dagaalladda iyo duqeymaha weli ka socda dalkaasi.
Libaaxo, Harama-cadyo iyo Bahallo kale ayaa qarka u saaran inay macluul darteeda u geeriyoodeen, waxayna bilaabeen inuu midba midka uu ka itaal roonaado inuu cuno, si uu u sii noolaado.
Xarunta  lagu hayo Duur-joogta “Tacis Zoo†ee ku taalla Koonfurta Yemen waxaa ka taagan Xiisad, iyadoo aysan Bahalladu haysanin biyo, cunto iyo daryeel Caafimaad.
Ku-dhawaad 280 Bahal ayey hoy u tahay Xeradaasi, waxaana haatan ka socda Gurmad khatartiisa leh oo lagu quudinayo Xayawaankaasi Dad-cunka ah.
Kooxo Mutawaciin oo lagu kala magacaabo SOS Zoo iyo Bear Rescue ayaa sheegay inay bahalada ay degdeg Dhibanayaal ugu noqdeen Dagaalka Aadanaha ee ka socdo dalkaasi.
Kooxahaasi waxay sheegeen inay dhibaato ka haysato Kharajka Maalgelinta si loo daryeelo Bahaladda ku macluulsan halkaasi.
Waxay sheegeen in halkii Haramacad maalin u baahan yahay inuu quuto 2 kiilo ilaa 4 kiilo hilib ah, iyadoo halkii libaax uu maalintii u baahan yahay in la siiyo 4kiilo ilaa 5 kiilo.
Sidoo kale, dhamaan Xayawaabadaasi waxay u baahan yihiin guud ahaa 5,000 oo litir oo biyo ah.
Kooaxahaasi daryeela Bahalada waxay Baraha Bulshada soo dhigeen Sawiro muujinaya macluusha haysata bahaladaasi iyo sida ay isku cunayaan.
Dhinaca kale, Kooxda waxay sheegayaan inay xanaaneeyaan Waraabe, Masas, Yaxaas, Daayeer Duureed, Haada sida Gumeys Gorgor iyo kuwo kale.
Waxay kaloo sheegeen inay ku talamayaan inay Duur-joogto u duuliyaan dalal kale, balse aysan suurto-gal ah Duullimaadyadda Diyaaraddaha dagaalladda ka socda Yemen awgeeda.
Waxaa Turjumay: Axmed Hagi Ugaaska
©Radio DalsanÂ
