Maxkamadda Sare ee magaalladda Mombasa ee dalka Kenya waxaa la soo taagay 6 qof oo 4 ka mid haween yihiin, kuwaasi oo lagu eedeynayo inay ka tirsan Xarakadda  Alshabaab.
Garsooraha Maxkamadda Sare ee Mombasa waxa uu amray in Damiin Lacageed lagu sii daayo 4 Haween oo u kala dhalatay Kenya iyo Tanzanina, kuwaasi oo la sheegay inay u dhaxaan Saraakiil ka tirsan Alshabaab.
Haweenkaasi oo lagu kala magacaabo Umul-kheyr Sadri Abdalla, Khadija Abukar Abdulkadir, Maryan Saciid Cabuud iyo Haliima Aadan ayaa waxaa midiiba lagu sii daayey Lacag damiin ah oo dhan 500,000 oo Shillinka Kenya.
Dhinaca kale, Maxkamadda Sare ee Mombasa, waxa la soo taagay  Labo Eedeysane oo lagu kala magacaabo Luqman Khatib iyo Sawaleh Mubaarak oo lala xiriirinayo Alshabaab iyo dilal ka dhacay Mombasa.
Garsooruhu waxa uu amray in Eedeysanayaasha muddo 10-maalmood lagu sii hayo Saldhiga Boliska ee Port Police Station ee Mombasa, si ay Baarayaasha u soo dhamaystiraan Gal-dacwadeedkooda
© Radio Dalsan
Â
