Caasimadda dalka Norway ee Oslo waxaa la soo taagay Labo nin oo Walaalo ah, kuwaasi oo horey tooreey ku dilay Muwaadin Somali oo ay ku lahaayeen Lacag.
Labada Gacan-ku-dhiigle oo da’dooda kala tahay 21-jir iyo 23-jir ayaa la sheegay inay Muwaadin Somali oo 22-jir ah ku dileen Xaafadda Holmlia ee magaalladda Oslo bishii Feberaayo ee sannadkan.
Xeer-ilaalinta Maxkamadda ayaa sheegtay inay Gacan-ku-dhiiglayaasha mindi ku gawraceen Marxuumkaasi, kadibna ay ku rideen Bulaacad loogu talagalay inay maraan Biyaha Wasaqda.
Dhinaca kale, Warbixin uu Boliska diyaariyey ayaa laagu sheegay inay Gacan-ku-dhiiglayaasha  dilka geystay ay soo waceen Boliska, wax yar kadib, markii ay gawraceen Marxuumka, kuna rideen Bohosha.
Maxkamadda ayaa la filayaa inay ku dhawaaqdo Xukunka Dembiilayaashaasi dilay Marxuumka Soomaaliyeed.
© Radio Dalsan