Idaacadda RTBF ee dalka Belgium ayaa shaacisay in la aqoonsaday labadii qof ee shalay isku qarxisay Garoonka Diyaaradaha ee magaalladda Brussels.
Labadaasi nin oo walaalo ahaa ayaa lagu kala magacaabi jirey Khaalid Albakruuti iyo Ibraahim Albakruuti.
Boliska Belgium wey yaqaaneen Labada Walaalaha ee shalay is-qarxiyey, balse  horey uguma lug lahayn Kooxaha Argagixisadda.
Idaacadda RTBF waxay kaloo sheegtay in Khaalid Albakruuti uu dhawaan magac been ah ku kireystay guri ku yaalla Deegaanka Hawdka ee magaalladad Brussels, halkaasi oo ay Boliska isbuucii hore ku dileen nin hubeysnaa.
Qaraxyaddii mataanaha ee shalay ka dhacay Garoonka Diyaaradaha  iyo Maxadada Tareenadda ee Metro Station ee magaalladda Brussels, waxaa ku geeriyootay  ku-dhawaad 34 qof, iyadoo 250-kalena ku dhaawacmeen.
Boliska dalka Belgium waxay raadinayaan nin kale oo laga dheehday Kameerooyinka Qarsoon (CCTV) ee Garoonkaasi.
Dhinaca kale, dalka Belgium waxaa looga dhawaaqay Baroordiiq Qaran oo muddo saddex maalmood ah.
©Radio Dalsan
