Boliiska Gobolka Banaadir ayaa gacanta kusoo dhigay eedeysanayaal lagu qabtay ayagoo si sharci darra ah ku buufinayo Mootooyinka Bijaajka ee ku shaqaysta magaca A iyo B.
Ciidanka saldhigga Xamar jajab ee gobolka Banaadir oo ku guda jiray howl maalmeedkooda ayaa helay xogta shabakaddan xili ay ku guda jireen buufinta Mootooyin cusub.
Eedeysanayaashan ayaa waxaa hadda ku socda baaritaan ku aaddan muddadii ay ku guda jireen howshan, inta mooto ee ay buufiyeen iyo taargooyinka ay sida sharci darrada ah ku bixiyeen.
Maamulka gobolka Banaadir ayaa horay ugu soo saaray sharci mabnuucaya buufinta Mootooyinka Bijaajka habka qarsoodiga ah, iyagoo sheegay in ciddii lagu helo ku qaraabashada magaca dowladda hoose ee Xamar lala tiigsan doono caddaalada.
