Madaxii kooxda calooshood u shaqeysatayaasha Wagner Yevgeny Prigozhin ayaa ku jiray dad ku geeriyooday shil diyaarad oo ku burburtay Ruushka, oo ay ku dhinteen dhammaanba 10-kii qof ee saarnaa sida BBC sheegtay.
Prigozhin ayaa hoggaaminayay kacdoonkii dhicisoobay ee ka dhanka ahaa hoggaamiyaha Ruushka, bishii June.
Yevgeny Prigozhin wuxuu si wayn uga soo ifbaxay duulaanka Ruushka ee Ukriane, isaga oo madax u ahaa koox calooshood u shaqaystayaal Ruush ah oo meelo muhiim ah dagaalka uga jiray.
Wararka ayaa sheegaya in diyaaada uu ku dhacay gantaal halka ay wararka kale sheegayan in ay shil gashay.
