Qarax Khasaro gaystay ayaa goordhaweyd ka dhacay duleedka degmada Daynile e Gobolkani Banaadir, waxaana soo baxaya faah faahinno dheeraada ah oo ku aaddan Qaraxaasi.
Wararku waxaa ay sheegayaan in Qaraxa lagu dilay taliyihii ciidamada Hay’adad Nabad Sugida iyo Sirdoonka Qaranka u qaabilsanaa degmada Dayniile ee gobolka Banaadir Abdishakuur Raage oo loo yaqaannay Cabdi Yare.
Sida dad goobjoogayaal ah ay sheegeen Qaraxa ayaa lala beegsaday Gaari Cabdi Bile ah oo uu la socday Taliyuhu iyo Ciidankiisu xili uu ku jiray howlgalay ka sameynayeen Deegaanka Ceel Shaale ee kuyaala duleedka Degmada Dayniile.
Goobta uu qaraxu ka ka dhacay waxaa gaaray Ciidamada ammaanka Gobolkani Banaadir, kuwaasi oo sameeyay howgallo, balse ilaa iyo hadda lama sheegin cid loo soo qabtay qaraxaasi lagu dilay dilay taliyihii ciidamada Hay’adad Nabad Sugida iyo Sirdoonka Qaranka u qaabilsanaa degmada Dayniile ee gobolka Banaadir Abdishakuur Raage oo loo yaqaannay Cabdi Yare.
