Dagaal u dhexeeyay Ciidanka Xoogga dalka qeybta 21-aad iyo dagaalamayaasha Al-shabaab ayaa waxaa uu ka dhacay deegaano hoostega Magaalada Dhuusamareeb ee Caasimadda Maamulka Galmudug.
Dagaalka ayaa sigaar ah uga dhacay deegaanada Sinadhaqo iyo labi-dulle oo hoostega Dhuusamareeb, waxaana dagaalka uu ka dambeeyay, kadib markii Ciidanka dowladda ay weerar ku qaadeen fariisimo Al-shabaab ay ku lahaayeen halkaas.
Taliyaha Guutada 15-aad, qaybta 21-aad ee Ciidanka Xooga Gen: Mascuud Maxamed Warsame oo ka mid ah Saraakiisha hoggaaminaysa howlgalka ayaa waxaa uu sheegay in Al-shabaab ay la wareegeen Sinadhaqo iyo labi-dulle oo markii hore ay joogeen.
Waxaa uu sheegay Taliye Jeneraal Mascuul in dagaalka dhinacyada dhexmaray uu ka dhashay khasaaro isugu jira dhimasho iyo dhaawac oo soo kala gaaray labada dhinac, isla markaana deegaanada ay haatan ku sugan yihiin Ciidamada.
Sidoo kale Taliyaha Guutada 15-aad, qaybta 21-aad ee Ciidanka Xooga ayaa tilmaamay in howlgalka uu sii socon doono, ayna Shabaabka khasaaro gaarsiiyeen, waa sida u hadalka u dhigay Taliyaha oo la hadlay warbaahinta dowladda.
Deegaanada Sinadhaqo iyo labi-dulle ee hoostega Magaalada Dhuusamareeb ayaa waxaa la sheegay in ahaayeen deegaanada Al-shabaab ay weerarada ay Caasimadda Galmudug uga soo qaadi jireen, sidoo kalena deegaanada ay ka dhaceen Qaraxyo miinooyin ah oo lagu dilay Saraakiil iyo Ciidamo ka tirsan Xoogga iyo kwua Galmudug.
