Wasiirka Caddaaladda ee dalka Japan, Takashi Yamashita oo Suxufiyiinta kula hadlay caasimadda dalkaasi ee Tokyo ayaa sheegay in labo nin saakayto la daldalay, kuwaasi oo magacyadooda lagu kala sheegay: KEIZO KAWAMURA oo 60-jir ah iyo HIROYA SUEMORI oo 67-jir ah.
Gacan-ku-dhiiglayaasha waxaa lagu helay dil ay sannadkii 1988-kii u geysteen nin madax ka ahaa Shirkad Maalgelin iyo nin kale oo shaqaale ka ahaa Shirkadaasi, iyagoo maydadkooda ku aasay dhismo Masrax ama Tiyaar ku yaalla buur dhakadeeda.
Gacan-ku-dhiiglayaasha waxay kaloo weerarkaasi ku dhaceen lacag dhan 100 million ee Lacagta Yen-ka Japan oo qiimo ahaan haatan u dhiganta 900,000 oo dollar.
Daldalaadda maanta ka dhacday dalkaasi waxay imaanaysa 5 bilood kadib, markii dil lagu xukumay dad loo haystay weerarkii loo adeegsaday sunta Sariinka ee ka dhacay Xarunta laga raaco Tareenadda dhulka hoostooda maraan ee magaalladda Tokyo.
Dalka Japan waxaa xukunka Dilka ugu dambaysay sannadkii 2004-tii, iyadoo tirada Gacan-ku-dhiiglayaasha ee sannadkan lagu dilay dalkaasi gaarayaan ilaa 15 qof.
Sidoo kale, in ka badan 100 qof ayaa ah Dil-sugayaal, kuwaasi oo lagu hayo Xabsiyadda dalkaasi.
