- Advertisement -
- Advertisement -
Kulankii caadiga ahaa ee Golaha Shacabka ee maanta ayaa baaqday, kaddib markii xildhibaannadu waayeen waddooyinkii ay ku tagi lahaayeen xarunta Golaha. Sida uu sheegay Habdhowraha Golaha, roobabkii xoogganaa ee xalay ka da’ay Muqdisho ayaa sababay biyo fariista waddooyinka muhiimka ah, taasoo hakisay isu socodka gaadiidka iyo dadka.
Koox xildhibaanno ah ayaa isku dayay in ay saaka gaaraan xarunta, balse qaar badan ayaa dib ugu laabtay sababo la xiriira biyo fadhiya waddooyinka, burburka laamiyada iyo gaadiid yaraan baahsan.
- Advertisement -
Habdhowre Maxamuud Macallin ayaa sheegay in kulanka u baaqday kooram la’aan darteed, isagoo tilmaamay in xaaladda waddooyinka ay si weyn u saameeyeen tiradii mudanayaal imaan kartay xarunta Golaha Shacabka.
