Maanta waxaa lagu dhawaaqayaa natiijada imtixaanka shahaadiga dugsiga dhexe ee gobolka Banaadir, taasoo ay sugayeen in ka badan 35,000 oo arday. Munaasabadda lagu shaaciyay natiijada ayaa lagu sheegay in ardayda imtixaanka u fariisatay ay ka kala socdeen 656 dugsi oo ku yaalla magaalada Muqdisho. Ardayda u fariisatay imtixaanka waxay tiradoodu ahayd 35,307, oo ay ku jiraan 19,766 wiilal iyo 15,541 gabdho, kuwaasoo imtixaanka si guul leh u galay.
Tirada guud ee ardayda gudubtay iyo kuwa haray ayaa la filayaa in si faahfaahsan loo soo bandhigo goor dhow. Warbixinada qaar ayaa tilmaamaya in 91% ardayda imtixaanka galay ay guuleysteen, halka inta kale ay ku guuldareysteen.
Waxaa sidoo kale la shaaciyay magacyada ardayda kaalimaha ugu sareeya galay, kuwaas oo ay ku jiraan Maxamed Cabdullaahi Cabdi Cismaan iyo Xasan Cabdi Sheekhdoon Cismaan oo kaalmaha hore galay.Maamulka Gobolka Banaadir ayaa la wadaagi doona Warbaahinta natiijada imtaxaanka Dowlada.
