Wararka kala duwan ee naga soo gaadhaya Gobolka Galgaduud ayaa sheegaya,in Koox hubeysan ay xalay saq-dhexe,degaanka Gorfaale oo u dhexeeya Cada-Xaar iyo Bulacle ku dileen nin iyo xaaskiisa xilli ay jiifeen.
Allaha unaxariistee ninka dhintay ayaa lagu magacaabi jiray Cabdullaahi Cali (Jalaqle) waxaana dhimashadiisa sababtay rasaas ay ku fureen dab-layda hubeysanaa.
Meydka Marxuumiinta ayaa wali yaal halka falku ka dhacay’ waxaana goobta isaga baxsaday kooxdii falkaasi ka danbeysay.
Laamaha Ammaanka dawlada ayaan wali ka hadal falkan argagaxa leh,dhawr jeer oo hore dhacdooyin kuwan la nooc ay ka dhacay dalka.Badina ku saabsan aanooyin qabiil,Qaran jabkii ka dib dad badan oo Soomaaliyeed ayaa isu dila utun Qabiil.Geesta kale ninka la diley waxa uu ahaa macalin dugsi Quraan,waana dhacdadii labaad ee ka dhacda gobolka Galgaduud.
