- Advertisement -
Shan qof ayaa la dilay Axadii kadib markii dabley hubeysan ay weerar ku qaadeen laba tuulo oo ka tirsan degmada Lamu ee Koonfur Bari Kenya, sida ay booliisku sheegeen.
Kooxda weerarka soo qaadday ayaa sidoo kale gubay guryo iyo hanti kale oo ay burburiyeen.
- Advertisement -
Booliisku waxay dhacdada ku tilmaameen “Weerar Argagixiso” oo ay ku soo qadday Al-shabaab.
Lamu, ayaa ku dhow xudduudka Kenya ay la wadaagto Soomaaliya, waxaana inta badan ay Al Shabaab weeraro ka geystaan degaankaasi, taasoo qeyb ka ah dadaallada lagu cadaadinayo Kenya inay ciidamadeeda kala baxdo Soomaaliya, halkaasoo ay qeyb ka yihiin ciidamada nabad ilaalinta caalamiga ah ee difaacaya dowladda dhexe.