Ra’iisul Wasaaraha Xukuumadda Federaalka ee Soomaaliya, Xamse Cabdi Barre iyo wafdi uu hoggaaminayo ayaa goor dhow ka ambabaxay Garoonka diyaaradaha Aadan Cadde ee magaalada Muqdisho, iyaga oo kusii jeeda dalka Itoobiya.
Afhayeenka Ra’iisul Wasaaraha Farxaan Maxamed Jimcaale oo la hadlay warbaahinta ayaa faah faahin ka bixiyey ujeedka safarka Xamse, wuxuuna sheegay in Xamse uu Itoobiya uga qeyb geli doono shirka caalamiga ee Madasha Tana.
Wuxuu sheegay Afhayeen Farxaan in shirka looga hadli doono arrimo kala duwan oo ay kamid yihiin Amniga Qaaradda Afrika, isagoo xusay in Ra’iisul Wasaaraha uu khudbad ka jeedin doono shirka caalamiga ee Madasha Tana, ugana hadlayo xaaladda amniga dalka.
Sidoo kale Afhayeenka Ra’iisul Wasaaraha Farxaan Maxamed Jimcaale ayaa tilmaamay in shirka oo maalmaha soo socda ka furmaya magaalada Addis Ababa ay ka qeyb geli doonaan Madaxweyneyaal ka socda dalalka Afrika iyo mas’uuliyiin kale.
Ra’iisul Wasaaraha Xukuumadda Federaalka Soomaaliya ayaa inta uu ku sugan yahay magaalada Addis Ababa ee Caasimadda dalka Itoobiya waxaa uu kulamo kala duwan la qaadan doonaa mad aka qeyb galeysa shirka oo uu kala hadlayo arrimo dhowr ah.
