Guddiga Doorashada Galmudug ee heer Dowlad Goboleed oo ay wehliyaan guddiga doorashada Heer Federaal ayaa  kulan la yeeshay Guddiga Hufnaanta iyo ilaalinta Habraaca Doorashoyinka ee ururada Bulshada rayadka .
Xubnaha Guddiga Hufnaanta iyo ilaalinta Habraaca Doorashoyinka ee ururada Bulshada rayadka  ayaa u jeedkoodu yahay arrimo ku aaddan doorashooyinka dalka, waxaana Xafiiskooda kusoo dhaweeyay Guddiga Doorashada Galmudug ee heer Dowlad Goboleed oo ay wehliyaan guddiga doorashada Heer Federaal.
Guddiga hufnaanta iyo Ilaalinta oo socdaal ku maraya dhammaan dawlad Goboleedyada Soomaaliya ayaa xog wareysi la yeelan doono Guddiyada Doorashooyinka Heer Federaal iyo Heer Dowlad-goboleed.
Doorashada Golaha shacabka ayaa si habsami leh kaga socota Magaalooyinka dowlad Goboleedyada dalka, waxaana dhammaan si toos ah uga bilaabatay doorashada kuraasta Golaha shacabka ee Baarlaanka 11aad.
