Kadib kulan Muqdisho ay ku yeeshen Ra’iisul Wasaaraha xukuumadda federaalka ah ee Soomaaliya maxamed Xuseen Rooble iyo Midowga musharixiinta ayaa waxaa xubnmaha midowga musharixiintu ay Rooble ka dalbadeen in uu inuu joojiyo boob ay sheegeen inuu ka jiro kuraasta Golaha Shacabka.
Midowga Musharaxiinta ayaa ka dalbaday Ra’iisul Wasaare Rooble inuu joojiyo doorashada Golaha Shacabka oo ay ku tilmaameen in hannaanka loo marayo ay tahay mid boob ah, illaa haddana doorashooyinka dhacay aanay aheyn kuwo daah furnaa.
Ra’iisul Wasaare Rooble ayaa u sheegay Musharaxiinta inuu la tashanayo oo kulan la yeelanayo Golaha Wadatashiga Qaranka oo ay xubno ka yihiin Madaxweynayaasha Dowlad Goboleedyada, si qaladaadka jira loogu saxo doorashooyinkana u dhacaan si daah furan.
Golaha Midowga Musharixiinta ayaa shir jaraa’id qabtay kadib Kulan ay maanta isugu yimaadeen Ra’iisul Wasaaraha Xukuumadda Federaalka Soomaaliya iyo Xubnaha Midowga Musharaxiinta oo ay uga wada hadleen arimaha doorashooyinka dalka .
Waxaana Midowga Golaha Musharaxiinta ay walaac weyn ka muujiyay daahfurnaan la’aanta ka jirta doorashooyinka dalka ka soconaya iyo sida aaney raali uga noqon karin habka ay iminka wax u socdaan.
