Madaxweynaha dowlad Goboleedka Puntland Saciid Cabdullaahi Deni ayaa habeenkii xalay aheyd magacaabay guddiga qaban-qaabada iyo diyaarinta xaflada xuska maalinta 1-da bisha soo socota ee August 2021.
Wareegto kasoo baxday Xafiiska Madaxweyne Saciid Deni ayaa lagu magacaabay Guddigaan oo ka kooban 7-xubnood, kuwaasi oo ka shaqeyn doona qaban-qaabada iyo diyaarinta xaflada xuska maalinta 1-da August 2021.
Guddiga ayaa waxaa Guddoomiye looga dhigay Wasiirka Wasaaradda Maaliyadda Puntland Xasan Shire Cabdi, waxaana kamid ah xubnaha Guddiga la magacaabay Cabdisamed Maxamed Gallan Wasiirka Wasaaradda Amniga.
Dowlad Goboleedka Soomaliyeed ee Puntland ayaa waxaa sanad kasta marka soo gaaro 1-da Bisha Agoosto laga xusaa maalintii la aasaasay Maamulkaas.
Hoos ka Akhriso Magacyada xubnaha Guddiga la magacaabay
1-Xasan Shire Cabdi Wasiirka Wasaaradda Maaliyadda (Guddoomiye)
2-Cabdisamed Maxamed Gallan Wasiirka Wasaaradda Amniga iyo DDR-ta (Xubin)
3-Aamino Cismaan Jaamac Wasiirka Wasaaradda Haweenka (Xubin)
4-Jaamac Faarax Muuse Wasiirka Wasaaradda Shaqada iyo Shaqaalaha (Xubin)
5-Cabdisalaan Siciid Faarax Wasiir Ku-xigeenka Wasaaradda Warfaafinta (Xubin)
6-Cabdi Xasan Xuseen Taliyaha Ciidanka Booliska (Xubin)
7-Maxamed Cabdirashiid Cali Agaasimaha Guud Madaxtooyada (Xubin)
