Ra’iisul Wasaaraha Xukuumadda Federaalka Soomaaliya ee xilgaarsiinta Maxamed Xuseen Rooble iyo wafdi uu hoggaaminaayay ayaa galabta ka ambabaxay Magaalada Muqdisho, iyagoo kusii jeeda dalka Jabuuti.
Ra’iisul Wasaare Rooble oo safarkiisa ay ku wehlinayeen xubno ka tirsan Golihiisa Wasiirada ayaa waxaa Garoonka diyaaradaha Aadan Cadde kusii sagootiyay Mas’uuliyiin ka tirsan dowladda Federaalka.
Ujeedka Ra’iisul Wasaaraha Xukuumadda xilgaarsiinta Rooble ayaa waxaa uu yahay ka qeyb galka Munaasabadda Caleemo-saarka Madaxweynaha Jabuuti Ismaaciil Cumar Geelle oo markii shanaad dib loo doortay.
Sidoo kale Ra’iisul Wasaare Rooble ayaa kulamo la qaadan doona qaar kamid ah Madaxda ka qeyb galeysa Caleemo-saarka Madaxweyne Geelle, iyagoo ka arrinsan doona xaaladda Soomaaliya iyo Arrimo kale.
Madaxweyne Ismaaciil Cumar Geelle ayaa markii 5-aad oo xiriir ah ku guuleystay doorashada Madaxtinimada dalka Jabuuti, waxaana Caleemo-saarkiisa ka qeyb galaya Madax badan oo lagu casuumay.