Afhayeenka Boliska Kenya, Charles Owino ayaa sheegay inay gacanta ku dhigeen 3 qof oo dheeraad ah, kuwaasi oo uu sheegay in lagu tuhunsan yahay inay ku lug lahaayeen Weerarkii Talaadadii hore lagu qaaday Hotelka Dusit D2 ee ku yaalla Bartamaha Nairobi.
Wargeyska The Star ee ka soo baxa Nairobi oo soo xiganaya Hadal-qoraal oo uu Afhayeenka Boliska soo saaray ayaa qoray in magacyadda xubnaha la soo qabtay lagu kala sheegay: Ibraahim Cali Buyo iyo Aadan Xasan, kuwaasi oo uu xusay in lagu soo qabtay Deegaanka Alinjungar oo ka tirsan Garissa, halka Maxamed C/raxmaan Cabdalla oo 40-jir ah lagu qabtay Suuqa Xeradda Xagar-dheer ee W/bari ee Kenya.
Sidoo kale, Afhayeenka Boliska dalkaasi waxa uu sheegay in tirada guud ee dadka laga shakisan yahay ee ay qabteen haatan gaarayaan 8 qof, iyadoo 5 ka mid ah dadkaasi ay dhawaan ka soo hor muuqdeen Maxkamadda MILIMANI ee Nairobi.
Dhinaca kale, Wargeyska The Standard ayaa qoray in la sii daayey Nin Kenyan iyo gabar uu dhalay oo u dhixi jirtey mid ka mid ahaa Dgaalaamayaashii Alshabaab ee fuliyey Weerarkii Hotelka Dusit D2 Hotel ee Nairobi.
