Xalay saqdii dhexe ayaa dab waxa uu ka kacay Suuq ku yaalla degmada Afgooye ee Gobolka Shabeellaha Hoose,waxaana dabkaas uu geystay khasaaro hantiyadeed oo aad u farabadan.
Dabka ayaa markii hore ka bilaawday qeybta Hilibka lagu iibiyo,waxana uu ku faafay qeybaha kale ee Suuqa,waxaana Ganacsatadu ay sheegeen in degmada afgooye aysan laheyn wax dam damis ah.
Mid ka mid ah Ganacsatada oo lagu Magacaabo Yacquub Shekh Cali ayaa waxa uu sheegay in dabka uu baabi’iyay laba Makiikada Salaad,Saddex Dukaan laba ka mid ah Xarumaha lagu iibiyo Qalabka electronic iyo Goobo kale.
Siweyn ayuu sheegay in isaga uu dabkaasi u saameeyay,isla markaana ay ka gubatay lacag gaareysa ilaa iyo $10,000 oo Dollar,waxaana uu sheegay in markii dambe uu yimid Gaari sidaasina dabkii lagu demiyay.
Dabkaan ka kacay Suuqa degmada afgooye ayaa kusoo aadaya xilli dhawaan Suuqa Bakaaraha xilli habeen ah uu dabka kacay iyo shalay Gelinkii dambe uu dab kale ka kacay Goobo Ganacsi oo ku yaalla inta u dhaxeysa Isgoysyada Banaadir iyo Soobe ee Magalada muqdisho.
Hoos Ka Dhageyso Wareysiga mid ka mid ah Ganacsatada Afgooye.
