Sheekh Maxamed Sheekh ibraahim Kenyawi ayaa ka hadlay kulankii muxaadarada ahaa ee Galabta uu ku qaban lahaa Hoolka Sahal taas oo dib u dhacday kadib markii dad ka badan Hoolka ay goobta muxaadarada tageen.
Isbuurashada dadka aawgeed ayaa Ciidamada ilaalada ka ah Hoolka Sahal rasaas ku fureen dadka Shacabka ah,waxana la xaqiijiyay in ilaa Saddex Ruux ay ku dhaawacmeen rasaastaas ay fureen ilaalada Hoolka Sahal.
Sheekh Maxamed Sheekh ibraahim Kenyawi ayaa sheegay in uu aad uga xun yahay in muxaadaradaas ay Galabta ka baaqato,isla markaana dadkii uu ugu talo galay dad ka badan ay goobta yimaadeen taas oo keentay in isbuurahso iyo buuq ay meesha ka dhacdo.
Waxa uu Alle uga baryay in uu caafimaad siiyo Saddex Gabdhood oo uu dhaawac soo gaaray,waxana uu sheegay in dhawaan,isaga oo kaashanaya Maamulka Gobolka Banaadir uu shaacin doono Goob ka weyn hoolka Sahal ee Muxaadaro lagu qabanayo.
Laga soo bilaabo Isgoyska Soobe ilaa Hoolka Sahal oo ku yaalla agagaarka Garoonka Diyaaradaha Aadan-Cadde ayaa waxaa Galabta buux dhaafiyay Boqolaal Ruux oo doonayay inay Muxaadaradaas dhageystaan,hayeeshee aysan u suurtagelin.
Hoos Ka Dhageyso Shir Jaraa’id ee uu Qabtay Sheekh Maxamed Sheekh ibraahim Kenyawi.
