Dowladda Britian ayaa ugu baaqday deeq bixiyeyaasha caalamiga ah inay kordhiyaan taageerada ay ku bixiyaan Howlgalka Midowga Africa ee Soomaaliya ee AMISOM, si looga caawiyo Soomaaliya gaarista xasilooni baahsan.
UK ayaa baaqan ka jeedisay, kulan duceed shalay ka dhacay New York oo uu ka socdo Shirka Golaha Guud ee Qaramada Midoobay, oo ay soo qabanqaabiyeen Somalia, UK iyo Ethiopia.
Kullankan oo ujeedadiisu aheyd in Somalia laga taageero amniga, siyaasadda iyo dib u habaynta dhaqaalaha, ayaa waxaa ka qeyb galay Wasiirka Afrika ee Britain Harriett Baldwin, Wasiirka Arrimaha Dibadda ee Soomaaliya Axmed Ciise Cawad, Wasiirka Madaxtooyada ee Ethiopia Hirut Zemene iyo Wasiirka Arrimaha dibadda iyo iskaashiga Caalamiga ah ee Talyaaniga, Xoghaya Guud ee QM, Antonio Guterres, iyo masuuliyiin ka socday Midowga Africa iyo Midowga Yurub.
Soomaliya ayaa waxaa ku sugan Ciidamo ka socda dalal kala duwna oo Afrikan ah kuwaas oo ku howlgalla Magaca AMISOM,isla markaana Ciidamada xoogga dalka ka caawiyaan la-dagaalanka Al-Shabaab.
