Waxaa maanta Xeradda Gaadiidka Boliska ee magaalladda Muqdisho ka dhici doonta Doorashadda xubnaha Beelaha Waqooyi uga mid noqon doona Aqalka Hoose ee Barlamaanka Cusub.
Tartanka maanta waxaa ka dhex muuqata Marwo Fowsiya Yuusuf Xaaji Aadan oo mar soo noqotay Ra’isul-wasaare -Xigeen iyo Wasiirka Arrimaha Dibedda iyo Xildhibaan ka tirsanaa Barlamaankii 9-aad ee Somalia.
Marwo Fowsiya Yuusuf Xaaji Aadan waxaa maanta Kursiga 1-aad kula tartamaya Murashaxiinta  Ismaaciil Xasan Jaamac, Qaasim Ismaaciil Axmed iyo Caasha Aadan Yuusuf.
Sidoo kale, Ridwaan Xersi Maxamed oo mar soo noqday Ra’isul-wasaare-xigeen iyo Wasiirka Awqaafta ee Dowladda Federalka waxa uu Kursiga 2-aad ee Xubnaha Beelaha Waqooyi ee Aqalka Hoose kula tartamaya Murashixiinta C/fataax Ismaaciil Daahir, Shukri Faarax Cilmi iyo Baarliin Xasan Qalinle.
Ugu dambeyn, Kursiga 3-aad waxaa ku tartami doona Murashixiinta Muuse Ismaaciil Jaamac iyo Faadumo Cusmaan Nuur.
©Radio Dalsan
