Wargeyska maalinlaha ee Daily Sabah ee ka soo baxa Turkiga ayaa qoray inay Turkiga Saldhigooda Milliteri ee ugu horreeyey ee Qaaradda Afrika laga dhisay magaalladda Muqdisho, iyadoo Saldhigaasi la sheegay in lagu tababari doono Ciiddanka Dowladda ee dagaalka kula jira Dagaalamayaasha Xarakadda Al-shabaab.
Dhismaha Saldhigga Turkishka ayaa la sheegay in laga soo ansxiyey QM, waana Saldhigga 2-aad ee ay Milliteriga Turkiga ku leeyihiin dalalka ka baxsan Baddaha.
Ku-dhawaad 200 Saraakiil Milliteri Turkish ayaa loo soo daad-gureyn doonaa Saldhiga ay ka furteen Muqdisho,
Wargeyska Daily Sabah ayaa qoray in Wejiga hore ee Saldhigga Milliteriga Turkishka lagu tababari doono10,500 Askar ka tirsan kuwa Dowladda Federalka.
Dowladda Turkiga waxay Taageero Milliteri siinayeen Somalia in ka badan 5 sanno, waxayna Labada Dowladood kala saxiixdeen Iskaashi Milliteri iyo mid Maaliyadeed.
Si kastaba ha ahaatee, Milliteriga Turkiga waxay Saldhigooda ugu horreeyey ka dhisteen dalka Qatar bishii April ee sannadkan, kadib, markii ay Labada Dowladood kala saxiixdeen Heshiis dhinaca Ammaanka oo looga hortagayo Cabsi kasta oo soo wajahda Labadaasi Waddan
©Radio Dalsan
Â
Â
