War Saxaafadeed ka soo baxay Bangiga Adduunka (Worl Bank) ayaa lagu sheegay inay Wasaaradda Arrimaha Dibedda ee dalka Finland shalay Heshiis kula saxiixdeen magaalladda Nairobi, iyadoo Dowladda Finland ku wareejiyeen Bangiga Adduunka lacah dhan 4 million oo Euro oo loogu talagalay Taabagelinta Hiigsiga cusub ee Somalia.
Safiirka Finland u jooga Somalia, Ambassador Tarja Fernández oo ka hadlay Munaasabadaasi ayaa sheegay inay Hay’adda Iskaashiga Horumarinta ee Finland diiradda saaraan sidii loo taakuleyn lahaa dalalka ugu hooseeya horumarka iyo Dowladaha aan weli xoogeysanin.
Agaasime-gobaleedka Bangiga Adduunka ugu qaabilsan dalka Somalia, Bella Bird oo ka hadashay Munaasabadaasi ayaa sheegtay inay Dowladda Finland ku soo biirtay xilli wanaagsan Barnaamijka Kaalmooyinka kala duwan ee uu Bangiga Adduunka maamulo (The World Bank-administered Multi Partner Fund (MPF).
Waxay intaasi ku dartay in Barnaamihka (MPF) uu qalab muhiim u yahay Dib-u-soo-kabashadda Dhaqaalaha Somalia, Isbedelka Dowladnimo oo ay ku jiraan Nidaamka Federalismka.
Agaasime-gobaleedka Bangiga Adduunka ugu qaabilsan dalka Somalia, Bella Bird waxay kaloo tilmaamtay in mid ka mid ah Asaaska Nidaamka Hiigsiga Cusub ee Somalia yahay sidii loo dhisi lahaa, loona isticmaali lahaa Nidaamka Dalka.
Guud ahaan Dowladaha Caalamka waxay ballanqaadeen inay Barnaamijka Yabooha Lacageed ee ay World Bank maamulayso (MPF) ku shubeen lacag dhan 185 million.
Deeq-bixiyayaasha kale ee taageeradda siiya Barnaamijka MPF waxaa ka mid ah Midowga Europe, Hay’adda Horumarinta Iskaashiga ee Sweden “The Swedish International Development Cooperation (SIDA), Hay’adda dalka Switzerland  ugu qaabilsan Horumarinta Iskaashiga ee SDC, Waaxda Britain ugu qaabilsab Horumarinta Caalamiga  (DfiD), Wasaaradda Arrimaha Dibedda iyo Iskaashiga Caalamiga ee Talyaaniga, Wasaaradda Arrimaha Dibedda ee Denmark (DANIDA) iyo Maalgelinta Bangiga Adduunka ee Dowladnimadda iyo Dhismaha Nabadda ee “The World Bank State- and Peacebuilding Fund (SPF).
©Radio Dalsan
