Madaxweyne Barack Obama waxa uu booqashadiisa Koowaad xalay ku tegay Xarunta Mujtamaca Islaamka ee magaalladda Baltimore “The Islamic Society of Baltimoreâ€, halkaasi oo kula kulmay Hoggaamiyayaasha Mujtamaca Islaamka, wuxuuna jeediyey Khudbad uu kaga hadlay Qoddobo Xasaasi ah.
Xarunta Islaamka ee Baltimore waa Dhismo ka kooban Masjid iyo Dugsi ay dhigtaan Ardayda ilaa Fasalka 12-aad.
Obama oo muddo 45 daqiiqo ku sugnaa Xaruntaasi waxa uu sheegay inay Muslimiinta Maraykanka mararka qaarkooda la beegsado, lana eedeeyo.
“In la weeraro hal Caqiido waxay la mid tahay weerar ka dhan ah dhamaan Caqiidooyinka†ayuu yiri Barack Obama
Waxa uu si dadban u soo hadal qaaday hadalkii Musharaxa fashilmay ee Donald Trump ee uu ku sheegay inaan dadka Muslimiinta loo oggolaanin inay soo galaan Maraykanka.
Isagoo arrintaasi ka hadlayo, Madaxweyne Obama waxa uu sheegay inay maqleen hadalo looga soo horjeedo Muslimiinra Maraykanka, oo la tilmaamay inaysan boos ku lahayn Marayanka.
Waxa uu isagoo cod dheer ku hadlayo sheegay inay Muslimiinta Maraykanka ahaayeen Geesiyayaal Sports, Gnaacsato iyo xubno ka yihiin Milliteriga Maraykanka.
Waxaa Turjumay: Axmed Xaaji Ugaaska
©Radio Dalsan