Wasaaradda Arrimaha Dibedda ee dalka Masar ayaa ugu baaqday Kalluumeysatadda Masaarida inay xushmeeyaan Xuquuqda Dowladnimo ee dalalka Carabta ee ay ka jiraan Colaadaha iyo Deganaansho la’aanta. Afhayeenka Wasaaradaasi, Badar Cabdul-cadaa’ ayaa sheegay inay lama huraan tahay inaan lagu xad-gudbin, lagana kalluumeysan Karin Sohdimaha Baddeed ee dalalka Somalia, Yemen, Libya iyo Tunisia. Afhayeenka waxa uu Kalluumeystadda Masaarida ugu baaqay inaysan fasax la’aan kalluunka uga soo jilaabanin Sohdimaha Badda ee dalalkaasi, isla markaana aysan u dhawaanin Xeebaha ay ka jiraan Argagixisadda. Waxaa kaloo Kalluumeystadaasi loogubaaay inayka fogaadaan Xeebaha dalka Yemen, si aysan u soo gaarin rasaasta habowga iyo duqeymaha ka socda dalkaasi.