Diyaaradaasi oo nooceedu ahaa F-16 ayaa waxay ku burburtay Badda Jaallaha (Yellow Sea) ee Xeebaha Galbeed ee dalka Kuuryada Koonfureed.
Wakaallada Wararka South Korea ee Yonhap ayaa sheegtay inay Diyaarada burburtay abaarihii 08:41 daqiiqo ee saakayto ee xilliga dalkaasi, halka Duuliyihii la soo helay abaarihii 09:30 daqiiqo, kadib, Hawlgal Gurmad ay si wadajir ah u sameeyeen Saraakiil ka kala socday Maraykanka iyo Kuuryada Koonfureed.
Dhanka kale, Duuliyaha waxaa la sheegay inay xaalladiisa degan tahay, waxaana socda Baaritaanka waxa sababay Shilkaasi.
Waa Diyaaradii 3-aad ee F16 ee Milliteriga Maraykanka leeyihiin ee ku burburta dalka Kuuryada Koonfureed muddo hal sano ah.
Bilihii May iyo December ee sanadkii hore, waxaa la diiwaan geliyey inay 2 Diyaaradaha Dagaalka ee F-16 ku burbureen dalkaasi oo ay Kumanaan Askar Maraykan ah ku leeyihiin Saldhigyo Milliteri.
