Madaxa Xukuumadda dowlad Goboleedka Galmudug Sheekh Maxamed Shaakir ayaa Xafiiskiisa Magaalada Dhuusamareeb kusoo dhaweeyay Hogaamiyaha Xisbiga Wadajir Cabdiraxmaan Cabdishakuur Warsame.
Sheekh Maxamed Shaakir ayaa C/raxmaan C/Shakuur uga mahadceliyay Booqashii uu ku yimid deegaanada Galmudug,waxaana intaasi kadib dhexmaray kulan gaar ah.
Sidoo kale Madaxa Xukuumadda Galmudug ayaa Hogaamiyaha Xisbiga Wadajir ku booriyay in uu ka qeyb qaato midnimada Soomaaliya,waxaana sidoo kale ay ka wada hadleen arrimo kale gaar u ahaa.
Cabdiraxmaan Cabdishakuur Warsame ayaa gelinkii dambe ee shalay gaaray Magaalada Dhuusamareeb ee Caasimadda dowlad Goboleedka Galmudug,waxaana halkaas ku soo dhaweeyay dad isugu jiray dhalinyaro,Haween iyo taageerayaal badan.
Hogaamiyaha Xisbiga Wadajir ayaa Socdaalka uu ku tegay Dhuusamareeb waxaa noqonayaa markii labaad,waxaana ugu dambeysay sanadkii 2016-kii.
