Dowladda Dalka Masar ayaa Golaha Ammaanka ee Jimciyadda Qurumaha ka dhexeysa u gudbisay Qaraar qabyo ah oo ku aadan sharci ahaan Shaha magaalada Barakaysan ee Qudus,taasi oo Mareykanka uu sheegay in uu u aqoonsaday in ay tahay Caasimadda Israel,balse ka dhalatay caro ay muujiyeen dhamaan Dadyooga Caalamka gaar ahaan Muslimiinta.
Wuxuu Qaraarkan qabyada ah ka dhigayaa in sal iyo raad aysan sharciga ku lahayn in hal dhinac uu go’aan ka gaaro mustaqbalka magaalada Qudus,taasi oo loola jeedo go’aanka Mareykanka.
Qaraarkan qabyada ah ee loo gudbiyay golaha ammaanka ee Qaramada Midoobay ayaa ugu baaqaya dhammaan dalalka kale in ay ka dheeraadaan in ay safaaradahooda ka samaystaan magaalada Qudus.
Dublamaasiyiinta ayaa sheegaya in qaraarkani uu haysto taageerada inta badan xubnaha golaha ammaanka ee Qaramada Midoobay, inkastoo laga cabsi qabaa in xukumadda Washington ay adeegsadto codka diidmada qayaxan ee Veto.
Tillaabooyiinkan oo ay soo jeedisay dowladda Masar ayaa ku soo beegmaya ka dib markii uu madaxwayne Trump ku dhawaaqay in Mareykanka ay Qudus u aqoonsadeen caasimada Israa’iil.
Arrintani ayaa waxaa ay u muuqataa mid sii hurinkarta xiisadaha ka taagan Bariga Dhexe,iyadoo haatan uu socdo kacdoon ay wadaan Shacabka Reer Falastiin,iyo guud ahaan bulshooyinka Muslimiinta ah ee ku kala nool daafaha Dunida.
Qadiyadda Magaalada Qudus ayaa ah mid in muddo ah soo jiitamaysay,waxaana ay xudun u tahay dhamaan dunida Muslimka ah,waxaana looga fadhiyaa dhamaan wadamada Islaamku in ay jawaab adag ay ka bixiyaan Go’aanta Donald Trum oo loo arko in uu yahay mid qaldan.
