Zakaria Bulhan oo ah Somali-Nowegian ayaa waxaa maanta la soo taagay Maxkamadda Old Bailey oo ku taallo magaalladda London, waxaana lagu soo oogay inuu sannadkii hore dilay Haweeney Maraykan, isla markaana dhaawacay 5 kale.
Eedeysanaha oo dalka Britain u soo guuray sannadkii 2002-dii ayaa beeniyey inuu dil geystay, balse waxa uu qirtay inuu dhowr qof dhaawacay.
Ninkaasi oo dhimirka ka xanuunsan ayaa la sheegay inuu bishii August  3-dii ee sannadkii hore uu Fagaaraha Russell Square ee magaalladda London ku dilay Haweeney Maraykan oo la oran jirey Dariene Horton,oo 64-jir ahayd.
 
Zakari Bulhan oo 19-jir ah waxa kale oo uu Tooreey ku dhaawacay 5 qof oo jidka marayey.
Dhinaca kale, Garsooraha Maxkamadda Maxkamadda Old Bailey , Jutice Spencer ayaa la filayaa inuu berrito ku dhawaaqo Xukunka uu muteystay Ninkaasi, waxaana  meesha laga saaray inuu falkaasi ahaa Fal Argagixiso.
©Radio Dalsan
