Wasaaradda Difaaca ee dlka Koonfurta Kuurya ayaa sheegtay inuu Gantaalkaasi ku soo dhacay meel 60-KM u jirta Xeebaha dalkooda.
Milliteriga Maraykanka ayaa iyagana sheegay in Gantaalkaasi oo noociisu ahaa KN 15 ee Ridada Dhexe aanu wax cabsi ah ku ahayn dalkiisa.
Xoghayah Arrimaha Dibedda ee dalka Maraykanka, Rex Tillerson ayaa xaqiijiyey inaysan Waqooyiga Kuurya mar kale tijaabinin Gantaalladda Ridada Dheer, wuxuuna intaasi ku daray inaysan haynin faahfaahino kale.
Dowladda Japan ayaa cambaaraysay Tijaabadaasi, kuna tilmaamtay inuu xadgudub ku yahay Go’aanadii ka soo baxay Golaha Ammaanka ee QM.
Dhinaca kale, Tijaabadda ugu dambeysay ee ay Milliteriga dalkaasi saakayto ku tijaabiyeen Gantaalkaasi ayaa waxa uu ku soo beegmayaa Kulanka ay Madaxweynaha Maraykanka iyo dhigiisa Shiinaha berrito ku yeelan doonaan Xeebta loo dalxiis tago ee uu Madaxweyne Trump ku leeyahay Gobalka Florida.
©Radio Dalsan
