Wasaaradda caafimaadka Maamulka Puntland oo kaa shanaysa Wold Vision ayaa maanta Magaalada Galkaacyo ee Xarunta Gobolka Mudug ka furtay shaybaarkii saddexaad ee Puntland lagu baarayo caabuqa Covid19.
Daahfurka maanta waxaa ka qaybgalay Wasiir ku-xigeenka wasaaradda Cabdinaasir Yuusuf Xaaji oo uu weheliyo agaasimaha guud Dr Cabdirisaaq Xirsi Xasan oo shalay safar shaqo ku tagay Magaalada Galkacyo.
Shaybaarka maanta laga daahfuray magaalada Galkacyo ayaa noqonaya kii saddexaad oo lagu baari doono Covid19, wasaaaradda ayaa horay labo shaybaar hirgalisay magaalooyinka Garowe iyo Boosaaso.
Shaybaarkaan ayaa loogu talagalay in lagu baaro dadka dagan gobolka Mudug iyo deegaanada ku dhaw. Agaasimaha Guud Dr Abdirisaaq iyo wasiir ku-xigeenka Cabdinaasir oo hadal kooban ka jeediyay furitaanka shaybaarka ayaa hoosta ka xariiqay in shaybaarkaan loogu talagay sidii looga jawaabi lahaa baahiyaha dadka deegaanka ku nool ayna ugu fududaan lahayd in dhakhso ay uhelaan jawaabtooda dadka iskaga shakiya xanuunka.
Wasiir ku-xigeenka Wasaaradda ayaa sidoo kale uga mahadceliyay hay’adda World Vision inay kala qayb qaadatay helitaanka shaybaarkan.
Wasaaradda ayaa culayska saartay tan iyo markii xanuunka uu soo gaaray soomaliya sidii looga haqabtiri lahaa bulshada Puntland helitaanka shaybaarada lagu baaro xanuunka aduunka saameeyay ee Covid19.
