Kooxo ku hubeysan Bastoolado ayaa waxa ay gudada Degmada Hodan ee Gobolka Banaadir ku dileen Sarkaal ka tirsanaa Ciidamada dowlada Soomaaliya.
Dilkan ayaa waxaa la sheegay in uu ka dhacay Xaafadda Siigaale ee degmadaasi,isla markaana rag hubeysan oo toogteen Sarkaalka ka tirsanaa Ciidamada dowlada.
Marxuumka la dilay ayaa waxaa lagu magacaabi jiray Maxamed Mursal,iyadoo ragii ka dambeeyay dilkaasi oo watay Mooto Bajaaj ay si deg deg ah goobta uga baxadeen sida dad goobjoogayaal ah ay sheegeen.
Wararka qaar ayaa sheegaya in Sarkaalka la dilay uu ka tirsanaa Xafiiska Xeer Ilaaliyaha Qaranka,inkastoo aan si dhab ah loo xaqiijin karin.
Ciidamo ka tirsan kuwa Booliska Soomaaliya ayaa goobta uu falka ka dhacay gaaray,iyagoo halkaasi ka qaaday Meydka Marxuumka,isla markaana goobta ka sameeyay baaritaano kala duwan.
Magaalada Muqdisho ayaa waxaa marar qaarkood ka dhaca dilal qorsheysan ,kuwaasi oo loo geysto Askarta ka tirsan Ciidamada dowlada iyo dadka shacabka ah ee kunool Gobolka Banaadir.
