Qaraxaan oo jugtiisa inta badan laga maqlay Magalada Muqdisho ayaa waxa uu ka dhacay Xaafada Soonakeey gaar ahaan agagaarka Haanta-Dheer ee degmada Hodan Gobolkan Banaadir.
Goobjoogayaal ayaa waxa ay sheegeen in Gaariga oo ah nooca loo yaqaano Viller uu watay Askari ka tirsanaa Ciidamada dowladda,isla markaana gaariga loogu xiray qaraxa.
Askariga oo lagu Magacaabi jiray Xasan Kaafi ayaa qaraxaasi ku geeriyooday,waxaana goobta gaaray Ciidamo ka tirsan kuwa Booliska Soomaaliya,kuwaas oo dadka u diidaya inay u dhawaadaan Gaariga qaraxa uu ka dhex dhacay.
Magalada Muqdisho ayaa dhowr mar waxaa ka dhacay qarax gaari loogu xiray,ciidamo,xildhibaano iyo dad kale,waxaana qarixii ugu dambeeyay ku geeriyooday Xildhibaan ka tirsanaa Baarlamaanka Hir-Shabeelle.
