Maamulka gobolka Banaadir iyo saraakiil amniga ayaa kormeeray degmoooyinka Wadajir iyo Dharkenley ee gobolka Banaadir oo maalmihii lasoo dhaafay ay ciidamada amnigu ka wadeen howlgalo amniga lagu xaqiijinayay.
Masuuliyiinka gobolka iyo saraakiisha ayaa tegay goobo ciidamadu ay ka sameyteen baro koontarool oo cusub kuwaas oo looga hortegayay falalka amni daro eek a dhaca gobolka Banaadir.
Guddoomiye ku-xigeenka amniga iyo Siyaasadda maamulka Gobolka Banaadir Maxamed C/llahi Tuulax ayaa u sheegay Warbaahinta in qorshaha howlgalkaan uu yahay mid lagu buuxinayo dul-duleelada dhinaca amniga si looga baaqsado weerarada Madaafiicda ah ee Alshabaab ay ku tuuraan xarunta Xalen ee magaalada Muqdisho.
Dhinaca kalana waxa uu ugu baaqay shacabka degan degmooyinka Wadajir iyo Dharkenley in ay la shaqeeyaan ciidamada,isaga oo ku dhiirageliyay ciidamada howlaha amni sugidda ee ay ka wadaan gobolka Banaadir.